Wed, 17 Jul 2019

Cebuano News: Paggamit sa moderno nga kontraseptibo, nagkadaku

Philippine Information Agency
18 Jun 2019, 22:38 GMT+10

TAGBILARAN CITY, Bohol, June 8 (PIA)-Gamay ra, apan dala sa napakita nga dyutay nga pagsaka sa migamit sa moderno'ng kontraseptibo sa pagplano sa pamilya sa pribado ug publiko nga sector, kini gisaulog na nga kadaugan sa mga tinugyanan sa Commission on Population and Development (CPD).

Kini maoy gibutyag ni CPD Regional Director Atty. Bruce Ragas, sa usa ka pagpakighinabi dili pa lamang dugay.

Ahensya sa kagamhanan nga kanhi giila nga Population Commission (POPCOM), ang CPD nahimugso gikan sa POPCOM dala sa epekto sa Executive Order No. 71 in President Rodrigo Duterte, samtang nagpahiluna sa nga mandatus sa Komisyon sa nagkadaiyang ahensya sa kagamhanan sama sa Department of Health (DOH) alang sa hisgutanang pagkasanihan ug sa National Economic Development Authority (NEDA) alang sa pagkaugmaran.

Kahinumduman nga una nga natala sa 10 ka development agenda nga gilatid sa kampanya ni Mayor Duterte kaniadto naglakip sa pagdumala sa naglobo nga populasyon sa nasud.

Kini iyang gitinuod dihang giluwatan ang Executive Order No, 12 nga nagtumong nga makab-ot ug mapalahutay ang zero unmet needs sa modernong pagplano sa pamilya.

Segun pa ni RD Atty Ragas,gikan sa 52.89%, misaka na sa 56.67% ang mga banay nga mipili sa modernong kontraseptibo.

Gamay lang ang pagsaka, apan matud pa sa CPD, nakita na sa katawhan ang gimbuhaton sa pagplanosa pamilya aron pagkab-ut sa pagpakunhod sa kawad-on ug sa pagpadako sa bahin nga makuha unya sa usa ka tawo gikan sa tinubdan sa kagamhanan.

Dugang ni Atty Ragas, namatikdan usab nila ang datus sa adolescent Sexual Reproductive Health nga nakuha sa Philippine Statistics Office Civil Registration Service, nga ang mga puya nga natawo sa mga batan-on nga inahan mikubos na usab gikan sa 201, 085 niadtong 2016 ngadto sa 196, 478 sa 2017.

Kini, nagpasabut nga may epekto na ang mga kampanya nga gipadagan sa mga ahensya nga nakatali sa CPD sa kampanya sa reproductive health ug sa mga adolescent sexual promiscuity.

Gani, dugang sa CPD, nakaintegrate na karon ang mga sexuality education sa mga leksyon sa klase, ug mahimong makita na usab ang epekto niini.

Hinuon, giisip pa gihapon sa CHD ang suliran sa Sexually Transmitted Infections ug HIV AIDS ilabi na dinhi sa Central Visayas.

Nagkadako ang proportion sa mga batan-on nga nag edad og 15-24 nga nataptan sa virus, nga kanhi naa lang unta sa 13% sa 1999-2008.

Karon, naa na sa 29% ang susamang edad nga nataptan sa sakit sugod 2009 ngadto sa 2018.

Pagpakighilawas pa gihapon nga walay tukmang proteksyon ug pagpangandam ang labing dako nga hinungdan niining pagkatap, segun pa sa CHD. (rahc/PIA-7/Bohol)

More Milwaukee News

Access More

Sign up for Milwaukee News

a daily newsletter full of things to discuss over drinks.and the great thing is that it's on the house!